Lait kam 200 tylli ha Stellantis Sloviaka Europe wan wad na North East

Lait kam haduh 200 tylli ia kiba nang kren phareng ha Ri Slovakia ka ri kaba don ha syndah Poland ha thain Europe, wan wad na North East. Ia kane la pyntip u Shri. Yash Gurung, CEO & Founder Director, Asporea, Siliguri, bad ki officer jong u ha ka jingiakynduh jong kane ka kynhun ha ka 27 tarik November 2023 bad u Bah John F Kharshiing, Co-Chairman, Meghalaya State Planning Board, Govt of Meghalaya, ha Shillong.

Katei ka kynun kaba na Siliguri ka long kaba don ki jingiadei ha ki Ri baher bapher bad ki la pyntip ba ia mynta ki don kine ki 200 tam ne duna ki kam ha ka kharkhana shna kali Peugeot 208, Citroen C3, jong ka Company Stellantis, Slovakia ha ka jingsiew kaba Rs 63000 haduh Rs 72000 shi bnai bad ka don ruh ka jingsiew kaba heh ia ka extra time lada ki nongtrei ki dei kiba smat bad kiba trei shitom, bad ki la pyntip ba ka kynhun jong ki ka don ka jingiateh bad ka kynuh pynioh kam kaba heh na Kathmandu, Nepal kiba la don lupa ki jingiadei bad katei ka kharkhana shna kali, ha kaba ki don ka lad ban pynioh ia kitei ki kam lada ki nongwad kam ki don ia ka jingtbit lane ka qualification. Kane ka kharkhana kali ka dei kaba heh bad ki shna 62 tylli ki kali ha ka shi kynta bad ki pynmih haduh 1395 tylli ki kali shi sngi ha slovakia.

Ha katei ka jingia kynduh katei ka kynhun ka la mynjur ia ki jingai jingmut jong u Bah John F Kharshiing, Co-Chairman, MSPB, u ba la ong ba ia kane ka kam un sa pynbeit ka jingiakynduh bad ki heh jong ka tnad labour jylla Meghalaya ban ia kren sngewthuh ban ia trei ryngkat kumno ba ki samla ITI / Politechnic bad kiwei kiwei hapoh Meghalaya kin lah ban shim ia katei ka lad ka kabu ban mih shakhmat ban trei shitom ban poi sha kitei ki kam.

Ki la pyntip ruh ba ki don ruh ki kam ba bun jait kiba kane ka kynhun ka la don lupa ki jingiadei ha ki Ri ba pher bapher ha kaba ka jingdawa ia ki nongtrei ka jur bha kum ki nurse, ki nongtrei hapoh ki jaka sumar hospital bad kiwei kiwei ha Japan bad Germany tangba ha kitei ki Ri donkam ban pass shwa ia ar level ha ka ktien Japan bad German.

Kane ka kynhun ka la pyntip ha u Bah John F Kharshiing, Co-Chairman, MSPB ba kine ki jingplie lad ba ki nong india kin ioh leit sha kiwei ki Ri ki dei naduh ba u Shri. Narendra Modi, Prime Minister, India u la wanrah ki policy ban plie lad ia ki nong india ban leit shabar lyngba ki jingiateh bad ki Ri bapher bapher lyngba ka Ministry of External Affairs, Govt of India khamtam namar mynta ka don ruh ka jingsdang duna ka jingdon paid (population) ha kiba bun ki Ri sha Europe.

Khublei,
John F Kharshiing
Co-Chairman, MSPB