Lait ka heprit, na ka jingma, ba ka khlem dih, ia u dawai kuli ba don da u prek

Shillong:Ha kawei na ki jingjia bym juh jia koit iwei i heprit ba dang 11 snem ka ka rta ka la lait salit na ka jingma haba iadei bad ka koit ka khiah jong ka, haba iadei bad ka jingdih ia ki dawai kuli ba lap ba ki don ki prek shapoh ha kawei ka dawai kuli bala tip kum u Amoxicillin ba ka la ioh na ka jaka ai jingsumar jong ka sorkar kata ha Pomlum Public Health Centre.

Katkum ka jingiathuh jong kane ka longkmie, ka la ong ba ha ka sngi saitjaiñ ka la leit shim dawai ia la i khun bad ikhun jong ka i la ioh ia u dawai Amoxicillin, ia u ba ki doktor na katei ka jaka ai jingsumar, ki la bthah ba in dih lai sien shi sngi.

Ha shwa ban dih kane ka khynnah, ka la plied ia u tei u dawai namar ka juh ioh sngew ba kum kine ki jait dawai ki don eiei shapoh, hynrei hadien ba ka la plied arsien shwa ba kan dih ka khlem lap eiei, tad haduh ba kan da dih ha ka sien ba lai la lap pynban da u prek hapoh jong u tei u dawai.