Lait im 2 ngut da ka said

Shillong,18Nailur:
Hynriew ngut ki runar ki la leit rung jubor ha ka ktem nongbylla jong ka M/s Honsen Lyngdoh Earthmover kaba don ha Umshing-Mawkynroh ha kaba ki la shoh ia u Nazul Ali bad u Rahan Ali bad thmu thang im ia u Nazul Ali hynrei baroh ar ngut ki la lait thaw da ka said. Kane ka la jia ha ka por kumba 5:30 baje hynne ka janmiet.
Ha kawei pat ka jingjia hynne dang step phyrngab por 3 baje eiei, ki riew runar ki la wiang ding ia ki skum kba jong u Sunilal Rai, 52 bad u Surendra Rai, 54 ha ka shnong Pynthorbah Block I, Shillong.