Lai sngi kynthih, yn hikai jngohkai ia ka Meghalaya

Shillong, 12 Nohprah:
Ban khring ia ki nongjngohkai bad ba kin tip ia ka jingriew spah ka Meghalaya ha ka kam jngohkai, ka Travel bad Tourism Bazar kan pynlong ia ka jingai jingtip kaba lai sngi kynthih ha ka nongbah naduh ka 14 tarik haduh 16 tarik Nohprah.
Ki nongpyniaid jong kane, kynthup u Amit Das uba dei u director ka Travel & Tourism Bazaar haba kren mynta ka sngi sha ki nongthoh khubor, u la ong ba ka jingthmu kane ka jingihikai ka long pyntip ia ki briew nabar kiba wan ban jngohkai ia jylla ba kin leit sha ki jaka bapher bapher.
U Amit bad u Bah Roland Wahlang ki la iathuh ba ha kine ki lai sngi, yn wan iashim bynta ki briew na jylla Madhya Pradesh, Gujrat, Andra Pradesh, Telengana, Jharkhand, Rajasthan, Air India. Nalor jong kine kin don ruh sa ki riew shimet ki ban wan ia shimbynta lang.
Kine ki nongpyniaid ki la wer ia ki paidbah ba kin ia poi sha kane ka jingai jingtip kyllum kumno ban leit jngohkai pyrthei kane ka jingai jingtip kaban long ha All Saint Cathedral Hall ha IGP. La iathuh ba bun bah ki briew na kane ka jylla ki juh leit kai sngewbha sha ka Ri Thailand bad kum sha Banggok ha kane ka por shuti ka jong ki.