Lai ngut kiba la suba ba ki don ia ka jingpang kynsha, ki don ha Delhi

Ki don lai ngut ki briew kiba la suba ba ki don ia ka jingpang coronavirus bad kitei ki don ha ka jingshah sumar ha ka Dr. Ram Manohar Lohia Hospital (RML) ha Delhi. La shim ia ka snam jong kitei ki lai ngut kiba don ha ka rta kaba 24 haduh 48 ban phah test ha ka National Centre for Disease Control (NCDC).

Ka jingiap haduh mynta na ka jingpang kynsha coronavirus, ka la poi sha ka 106ngut ha China bad la iathuh ba haduh mynta ki don 1,300ngut kiba la thikna ba ki ioh ia katei ka jingpang bad sa 4hajar ngut kiwei pat kiba la ioh ia katei ka jingpang ia bit.

Kito kiba ioh ia katei ka jingpang, ki don ka jing shitom ban ring bad pynhiar mynsiem, ki jaw eit mut, ki ktha khlieh, ki khieshoh bad ki jyrhoh ruh.