Lahduh na Manipur ha ka rwai AIR

Shillong, 16 Nohprah:
U Hidangmayum Rahul Sharma, uba na ka All India Radio jong ka Imphal, ula ioh rah ia ka khusnam kaba T.1lak, namar ba u shah jied kum u lahduh ha ka iakob rwai, kaba la ai kyrteng ‘NE Body Can Sing’ kaba long mynta ka sngi.
Ka Chandrani Sar ma jong ka AIR Agartala, ka ioh rah ia ka kyrdan ba ar bad U Visedelhou jong ka AIR Kohima, u rah ia ka nam kaba lai, katba U Lalfamkima jong ka AIR Aizawl, u long ba saw.
U Dr KK Paul, uba dei U Lat ka Meghalaya bad ka Mizoram, ula ong ba ka rwai ka siaw, ka dei ka mynsiem jong ka dong shatei Lam Mihngi bad ula ong ruh ba ka All India Radio, ka la poi lut sha kiba bun bah ki kyndong kynshrot jong ka dong shatei lam mihngi.
Kito kiba ia shim bynta ki long ka Chandrani Sarma na AIR Agartala, U Lalfamkima na AIR Aizawl, ka Miss Anushma Sharma na AIR Guwahati, U Hidangmayum Rahul Sharma na AIR Imphal , U Toni Paleng na AIR Itanagar , U Visedelhou Terhuja na AIR Kohima bad U Anserson Damonlang Warlarpih na AIR Shillong.
Ki nongbishar, ki long U F Lal Thanmawiia na Aizawl, U Aribam Uttam Sharma bad U bah Lou Majau.Ka khusnam, kaba ar, ka long T.50 hajar, ka khusnam kaba lai ka lonn T.25hajar bad kaba saw, ka long T.20hajar.