Lahduh ka Mawsynram, ha ka jinghap slap, hynnin ka sngi ha ka jylla

Shillong: Ka jinghap slap, hynnin ka sngi, ha Sohra, ka poi sha ka 226.0mm, katba mynta ka sngi, ka jinghap slap, ka long 94.2mm. Ka Shillong, ka ioh slap, 13.8mm, hynnin ka sngi, katba mynta ka ioh 17.2mm, katba ka Umiam, hynnin ka sngi 12.2 mm bad mynta ka ioh 8.2mm.

Na bynta ki 24 kynta, ki ban wan, ka jinghap slap, kan long kaba malu mala, lane kaba kham jur, ha ka nongbah Shillong bad ki jaka ba marjan. Kan don ka jingtied pyrthat bad khie eriong, ha ki bynta jong ka jylla bad kan don ruh ka jinghap slap, kaba jur bad kaba jur bha.

Ka jinghap slap, ha kiwei ki jaka, ka long Mawsynram-258.2, Sohra- 226.0, Pynursla-182.1, Shella-133.3, Mawkyrwat-123.0, Khliehriat-88.0, Ratacherra-75.4.

Ka tnat peit mariang, ka maham ba mynta bad lashai ka sngi, kan don ka jinghap slap kaba jur bad kaba jur bha ha ki bynta jong ka jylla. Ka jingjur slap, kan dang iai bteng, ha ka 21 bad 22tarik Jylliew, ong ka khubor.