Lah Sngi u Blei, yn iakynduh ki sengbhalang ia ka sorkar, halor ka ILP

Shillong, 25 Rymphang:
Ki 13 tylli ki seng bhalang ki ba la dawa ia ka ILP ki la ong ba ki 22 ki mat ba la ai da ka sorkar halor balei bym slah ban pyntreikam ia ka ILP ki long ki bym ler kam.
Kine ki 13 tylli ki sengbhalng kin leit ban iakynduh ia ka sorkar la sngi Nyngkong ban rai ia ki mat jingdawa jong ki khnang ba ka sorkar kan pyntreikam noh ia ka ILP.
Ki sengbhalang kyn thup iaka Khasi Students’ Union (KSU), Federation of Khasi Jaintia and Garo Federation (FKJGP), Hynniewtrep National Youth Front (HNYF) bad kiwei kiwei de kin leit ban iakynduh ia ka sorkar ba kren halor kane ka ILP .
“Hadien ba ki la bishar bad peit bniah ia ki 52 ki ain jong ka sorkar ngi lap ba ki long ki bym ler kam ban iada ha ka jingwang rung ki mynder,”la ong u General secretary ka HNYF u Bah Sadon K Blah hadien ba la wai ka jingialang mynta ka sngi.
Hadien ba ki sengbhalng ki ladep ban pule ia kitei ki 52 ki ain hadien ka jingialang bad ki sengbhalang ha ka 15 tarik Kyllalyngkot.
Haba pyntip ba ki sengbhalang kin iakynduh la sngi Nyngkong, u Bah Blah u la ong ba katto katne ki sengbhalang kim lah ban wan ha ka jingialang hynne Hatmajai.
“Ngi la pynkhreh ia ki jingdawa halor ILP bad ka jingiadei bad ki 52 tylli ki ain”, la ong u Bah Blah.
Katba u president FKJGP u Bah Joe Marwein “ngim dei ba ieh noh ia ki jingdawa hynrei ngi donkam ban pule bniah ia ki ain bad ban rai kaei kaba biang ban leh na ka bynta ban khang lad ia ki briew kiba wa nabar.
Dang shen ka sorkar ka la phah 22 point halor ka ILP ym lah ban pyntreikam.
U Bah Blah u la ong ka jingai nia ka sorkar ka dei tang ka buit sain pyrthei bad u la ong ba ka jingpyntreikam ia ka ILP kam nym ktah da lei lei ia ka roi ka par ha ka jylla.