Lah sneng imei ianga ban kiar dih drok hynrei ngam ngeit bad ng la ngop,iathuh uwei u samla khasi

Shillong 17 Jymmang: Ka seng Hynniewtrep Youth Council (HYC) sengkmie hadien ba ka la dep ban leit khynra ia ki jaka dieh drok ha upper mawprem mynta ka miet, ka la hiar biang sa sha iew Anjali ter ter bad ha kane ka jingkhynra ka la lap sa ki katto kattne ngut ki samla khasi ki ba ia shong dih drok ha Mahari.

Ha kane ka jinglap ka seng ka la ioh ban sei na ki pla jong kine ki samla haduh 67 tylli ki klong ba thep ia ki drok bad ruh ki nar injek.

U wei na kine ki samla ba la shah bat ha ka seng, u dei u ba ju supply ha baroh ka nonghah shillong ban die sha ki khasi bad ia kine ki drok u ioh ban thied na Garo line,Laitumkhrah. U ne u samla u dei u ba la don kumba 25 snem karta .

Haba kylli pat ba mano ba ialam lynti ban die bad ban dih drok u la iathuh , ba ym don ba ialam lynti  hynrei kadei tang ka jingmlien bad namar ba u la ngop palat ha kine ki kam.

Shuh shuh u la iathuh,ba shi khlong u die 500 tyngka bad shiteng kadei 250 tyngka ban supply sha baroh aka nongbah shillong bad hashwa ban lap ka seng, u la dep ban die tang kumba 1 hajar tyngka.