Lah ka Mizoram Synod, ban pyn kynriah elekshon MLA

New Delhi, 23 Risaw:
Ka bor jong ka balang Presbyterian ha Mizoram, ka lah ban pyn kylla ia ka tarik elek shon ha katei ka Jylla bad mynta ka elekshon ha katei ka Jylla, kan long ha ka 25tarik Naiwieng 2013.
Ka jingniew vote ruh mynta, kan long noh ha ka 9tarik Nohprah, namar ba ka don ka jing pyrshah ban niew vote ha ka Sngi U Blei, da ki seng sain pyrthei bad ki bor pyniaid jong ka Balang Presbyterian ha katei ka Jylla.
Kham mynshwa ka Mizoram, ka dei ban leit thep vote ha ka 4tarik Nohprah bad ka jingniew vote kan dei ban long ha ka 8tarik Nohprah 2013.
Ki seng sain pyr thei, ki seng bhalang bad ki seng niam, ki kwah ban pynkylla ia ka tarik thep vote, namar ba ka 4tarik, ka dei ka sngi jong ka jingiaseng bah jong ka Mizoram Synod, kaba dei ka balang kaba heh tam jong ki kynhun Presbyterian ha Aizawl.