Lah ka heprit Daphishisha, ha ka ia kop shad ka 3LU

Shillong,20 Nohprah:
Ka 3LU ka dei kawei na ka seng jong ki kynhun shad ba na Mawlai, ka ba long ruh ka kynhun ka bym pat da slem eh ba la seng ia ka. Katei ha ka jingpyrshang jong ka ban kyntiew ia ka kam shad ha kane ka jylla ka la lah ban shim ia ka sien jam kaba nyngkong eh ban pynlong ia ka ia kop shad ia ki samla donsap kiba sngew tynnad ha ka kam shad. Ka 3LU ka la pynlong ia ka jingiakop shad mynta ka sngi ha Pandal, NEHU bad ha katei ka jingiakop shad la wan ban ia shim bynta kumba 20 ngut ki nongshad na kylleng ka Mawlai bad kiwei pat ki jaka. La phiah ia katei ka jingiakop ha ki ar bynta ka Solo bad ka Group Daance. Ha ka Solo i heprit Daphishisha Kharbani i la long i lahduh ha katei ka jingiakop, la sam ia ki khusnam ruh sha ki nongshad kiba la wan ba-ar b alai bad ha ka consolation Prizes ha baroh kitei ki ar bynta ka jingiakop. Ki nongshad ha katei ka sngi ki la pyni ia ka sap shad ba itynnad jong ki kab ki la shad ha la ki jong ki jong ki rukom. Ia ki nongjop la bishar bniah da ki nongbishar batbit ba katei ka kynhun ka la khot bad ki don lain gut , ka samla Easter Lyngdoh Nonglait, ka samla Lusiana Lyngdoh bad u Dr. S A War. Ha katei ka jingiakop la ia don ryngkat ki nongshad ba pawkhmat ka jylla kum u Bah Kit Thabah, President AMDA bad kiwei, la ia donlang rurh u Bah Gabriele Wahlang President Meghalaya Youth Congress , ka kong Nongpluh bad kiwei kiba la shah khot sngewbha.