Shillong: Ka Nehru Yuva Kendra Sangathan Meghalaya, ha ka 7 Tarik U Kyllalyngkot, 2022 ka la lah ban pynlong ïa ka State Level Declamation Contest halor ka phang kaba long ha ka Ktien nongwei “Patriotism and Nation Building” kum shi bynta kum ka jingrakhe bad leh kmen ïa ka Republic Day ka Ri kaba 72, kaba la pynlong ha ka Conference Hall jong ka Bharat Scouts and Guides Shillong.
Na ki 7 tylli ki NYK Districts kiba don ha Meghalaya, la wan ïa shim bynta tang na 4 tylli ki NYK Districts kiba long ki nongjop na kiba la shim bynta ha ka jingïakhun ha ka District Level kaba la pynlong ha ka ki Kendras jongki kiba don hapoh ki Districts. Ki nongïashim bynta ha kane ka State Level ki la long na East Khasi Hills District ba la mihkhmat da ka samla Ibakordor Khriemmujat, na West Khasi Hills District la mihkhmat da ka samla Suzane Lyngdoh Nonglait, na West Jaiñtia Hills District la mihkhmat da ka samla Lakyntiewshisha Tang bad na Ri-Bhoi District la mih khmat da ka samla Melita Maring. Baroh kine ki sawngut ki nongïashim bynta ki la ai la ki jong ki jong ki sur bad ki jingïatai nia kiba shongnia kat kum ka phang bala ai haneng ha kaba la bishar bniah ïa kine da ki laingut ki kongsan kiba long ki riewshemphang na ki department bapher bapher.
Ka lahduh jong kane ka jingïakhun ka long ka samla Lakyntiewshisha Tang na West Jaiñtia Hills District, kaba wan ba ar ka long ka samla Ibakordor Khriemmujat na East Khasi Hills District, bad kaba wan balai ka long ka samla Melita Maring na Ri-Bhoi District.
Ka Lakyntiewshisha Tang kaba long ka lahduh ha kane ka jingïakhun in leit ban mih khmat ïa ka Meghalaya ban ïa khun ha ka National Level kaban long ha Delhi ka ban sa lah ban sdang ha shuwa ka Republic Day (26 tarik U Kyllalyngkot, 2022).
Phi don ban ong eiei?