Lah ban weng ka jingkhang internet ha ar ki District ka Jaintia Hills

Shillong: U Conrad K Sangma, myntri rangbah ka Jylla, u pynsngew ba ka sorkar kan lah ban weng noh ia ka jingkhang internet ha ar tylli ki District jong ka Jaintia Hills.

“Ngin rai hi mynta ka miet, halor ka jing khang internet bad ngi pynthikna ban weng noh ia katei ka jingkhang internet ha ki bynta jong ka Jaintia Hills” ong U Sanga mynta ka janmiet, hadien ka jing ia kynduh bad u myntri kam poh iing lem bad kiwei de ki heh sorkar. La iathuh ba U Sangma, ula ia kynduh ruh ia U Lat ka Jylla mynta ka sngi.

U Sangma, u iathuh ba ka sorkar kan peit bha ruh halor ka jingweng internet ha ki bynta jong ka Khasi Hills, ba kynthup ia ka nongbah Shillong, namar ba u ong ba ka suk ka sain, ka la nang wan phai biang mynta.