Lah ban wan ka synshar President ha Delhi

NewDelhi,9 Nohprah:
Ka Resol elekshon ha Delhi kaba la mih hynnin ka sngi ka la buh jingeh ia katei ka nongbah jong ka ri namar katkum ka resol elekshon ym don kawei ruh ka seng kaba khlain bor bana thaw sorkar marwei. Katkum ka resol la iohi ba ka BJP kaba ioh ia ua nam tam ka don 31 ngut ki MLA katba ka AAP ka ba-ar ka don 28 ngut ki MLA, Congresss 8 ngut bad ka Aakali Dal marwei.
U Myntri ka kam pohing u Sushil Kumar Shinde haba kren sha ki nongthohkhubor mynta ka sngi u la ong ba u Lat ka Delhi un thaw ia ki lad ki lynti ban pyllait ia katei ka nongbah na ka synshar President shuwa ba un khot ia kren ia ki seng sainpyrthei. Katkum ki tyllong khubor la iathuh ba u lat u lah ban khot nyngkong eh ia ka BJP bad ka Aakali Dal ban tyrwa ha ki ban thaw sorkar , bada lada ka BJP kan kyntiait u lah ban khot pat ia ka AAP lada ka along ne-em kaba la khreh ban thaw sorkar.
Shuh shuh katkum ki thymmei khubor la ioh jingtip ban a ka liang ka BJP kumjuh ruh ka AAP kim shym la treh ban thaw sorkar namarba kim kwah ban ia khleh khawlang bad no bad no ruh. U lat u lah rurh ban khot shimet ia ki nongialam kitei ki ar seng la ka long ia u Harsh Vardhan ka BJP ne ia au Arvind Kejriwal ka AAP. La ong ruh ba lada u lat um lah ban leh eiei na ka bynta ka jingiathaw sorkar u lah ban ai jingmut da ka synshar President bad ka Home Ministry kan leit ban raha ia katei ka jingai jingmut sha ka Union cabinet, bad lad ka cabinet ka pdiang yn rai da ka synshar President ha Delhi.
Lah ruh ban kdew ba ka BJP bad ka AAP ki dei ki seng sain pyrthei kiba pyrshah Congress bad kitei ki ar seng ki dei kiba la ioh bun seat ha Delhi hynrei kim shym la don pat ha kawei ka jingmut na ka bynta ban ia thaw sorkar ha kaba ki nongialam jong ki ki la pynpaw ha ki lad pathai khubor ba ki long kiba la khreh ban ia khun da ka elekshon kaba thymmai na ka bynta ban ioh ia ka jingbun paid ban thaw sorkar.