Lah ban slem surok Shillong-Nongstoin-Tura, ba kyllain ki trai jaka

Shillong, 22 Naitung:
Kum kiwei kiwei ki projek ha kane ka jylla, ka surok Shillong-Nong stoin-Tura ruh ka lah ban slem namar ka jingleh kyllain ki trai jaka bad nalor kiwei ki daw ban ai sha ka sorkar.
U Myntri ka tnad PWD u Bah Sniawbhalang Dhar ha kane ka sngi Nyngkong u la ong ba ka jingshim jaka ha ki katto katne ki bynta jong ka surok ym pat dep satia.
Ka jingshna ia kane ka surok kaba 264.30 kilometer na Shillong-Nongstoin-Tura kaba shong dor T.1496 klur la sdang naduh u Rymphang 2011 bad ka por ban pyndep kan long ha u Lber,2014.
Kane ka surok kan pyniasoh ia ka Khasi Hills bad ka Garo Hills, ban poi shaduh Assam. Hynrei ka jingbym ioh jaka ka la pynslem ia kane ka jingtrei ia kane ka surok bad ka lah ban slem ban pyndep ban ia kaba la dep buh por.
“Ngi dang iai trei ia kane ka kam bad ngi pyrshang tyngeh ban pynthikna ba ka jingshim jaka kan iaid shaid shaid khnang ban pyndep ia kane ka projek ha ka por kaba la buh” la ong u Myntri ka tnad PWD bad bynrap ba ka sorkar jylla kam lah ban pan por biang na ka sorkar halor kane ka projek.
“Hynrei lada slem shisha, ngi lah ban ai ki daw kiba biang ban shu pynjlan shuh ka por” u la ong.
Katkum ka jingong u myntri sorkar, ka jingbha jong kane ka surok, kan long kumba bha ka surok Shillong Bye pass kaba mynta.