Lah ban shah thngan u CEM barim hapoh phatok

Shillong, 18 Jymmang:
Ka  Division Bench ka Meghalaya High Court ha kane ka sngi Nyng kong ka la hukum set along ha ka Judicial custody ia u CEM barim ka KHADC u Bah Adelbert Nongrum halor ka jing pynkhein jongu ia ka hukum ka Kashari.
Ia u Bah Nongrum la rah sha phatok Shillong District Jail haduh ka por 9.30 baje janmiet namar ka jingslem ban pynmih ia ka hukum.
La sngewthuh ba u CEM barim ka KHADC un bteng beit ia ka jing shah thngan hapoh phatok kaba u la dep sdang ha kane ka sngi Saitjain ban pynbor ia ka sorkar ba kan pdiangnoh ia ka Village Administration Bill ka KHADC.
Haba pynbna ia ka hukum, u Chief Justice Uma Nath Singh bad u Justice TNK Singh ki la ong ba u Bah Nongrum u dei ban thep ia ka jingujor jongu halor ka rai bad ban ai ia ka jubab shwa ka sngi ban pynlong ia ka jingbishar kaba bud.
 Shwa ia kane, u SP ka East Khasi Hills u Bah Mariahom Kharkrang u la bthah ia u Bah Nongrum  ban leit mih ha kashari dalade.
Ka Kashari ka la bthah ruh ba ki lad pathai khubor kim dei ban pynmih eiei shuh ia ka jingkren jong u bah Nongrum.