Lah ban shah jied u Samuel ha ka kynhun ialehkai ka ri

Shillong: U nongialehkai ka Shillong Lajong FC u Samuel Lyngdoh Kynshi u lah ban shah jied ha ka thup ialehkai ka ri ka 2020 U-23 AFC Championship Qualifiers ban long ha Uzbekistan ha ka 22- 26 tarik Lber 2019.

U Samuel u dei u nongialehkai ka Shillong Lajong Football Club na Meghalaya, u la shah jied ha ka kynhun ka ri na ka bynta AFC U-23 Championship Qualifiers 2020.

Une u nongialehkai uba 18 snem u la don bynta ha ka Lajong ha ka I-league mynta u snem bad un sa leit sha ka lumpung jied nongialehkai ka ri kaban long ha Goa naduh ka 2- 8 tarik bad ha ka ‪16-19 tarik Lber 19 , ha kaba ka jingialehkai kan long pyrshah ia ka Qatar U-23.

Ka India ka don ha ka kynhun bad ka Pakistan, Tajikistan, bad ka Uzbekistan ha ka Group F bad kan iakhun ia ka AFC U-23 qualifiers ha Uzbekistan naduh ka  22- 26 tarik Lber.

Ka AFC U-23 Championship kan sdang ha u snem 2020.

U Samuel u dei u soh na ka Shillong Lajong Academy uba dang ialehkai ha ka I-League mynta bad u la thep 4 kol.