![](https://www.urupang.com/wp-content/uploads/2023/06/DSC00708-5.jpg)
Shillong:Ka jingshna pynheh ia ka surok bah Shillong -Pynursla – Dawki (NH40) ha ka jingmang pisa kaba T. 970 klur (lait noh ka 4laning na Umshyrpi sha Baniun) la buh ban pyndep ha u Ia iong 2024, kata sa shi snem.
Ha ka por ba u myntri ka tnad Road, Transport bad High ways ka ri u Nitin Gad kari u la wan ialep elekshon ha Baghmara bad ha Ranikor ha u bnai Rymphang mynta u snem, u la ong ba ia kane ka surok yn pyndep ha u Iaiong 2024 hynrei haba peit ia ka jingtrei ia kane ka surok nalor ki kynrum kynram kiba mih, la I eh ba kan lah ban pyndep.
“Kane kan pynsuk ia ka leit ka wan jong ki nongwankai kiba kwah ban leit peit kai ia ka wah Umngot kaba shaid kdiar kdiar”, la ong u myntri ha katei ka por.
Ka surokbah Shillong-Dawki ka dei kaba ju mad bha ia ka jingtwa man ka por khamtam tang shu jur u slap kaba la ju wan rah ia ka jingsahkut kali wat ka jingmyn saw ha kiba bun ki khep.
Ka jingshna pynheh ia ka surok bah NH-40 Shillong-Pynursla-Dawki mynta ka dang sangeh hadien ba ki kompeni ba shna kila iehnoh shiteng, bad don ba ka sorkar ka la weng noh kum ka kompeni ARSS bad ka surok ka la kylla sniew lut.
Ka kompeni na ri Japan ka Japan International Cooperation Agency (JICA) ka la bei pisa ia kane ka surok lyngba ka BOT (Build-Operate-Transfer), kaba mut kan shna ia ka surok bad kan sa lum pisa da kaba khrong na ki kali ba iaid haduh ban kut ka por kumba iateh soskular.
Phi don ban ong eiei?