Lah ban pyllait noh ia U bah Prestone na Hospital, ha ka sngi hat majai

Shillong: Ka khubor sorkar, kaba dang shu ioh mynta ka sngi, ka iathuh ba la kynriah noh ia U Bah Prestone Tynsong, shabar jong ka ICU, hadien ba ula shah puid na ki bynta jong ka khlieh jongu. Kawei pat ka scan, yn leh ha ka sngi hat majai, ka ban wan, ha shwa, ban pyllait noh ia u, na katei ka jingshah sumar bad la khmih lynti, ba yn pyllait na hospital, ha ka sngi hat majai.

U bah Prestone Tynsong, symbud myntri rangbah, ula shah sumar ha ka Indraprastha Apollo Hospital, New Delhi, ha ka 11tarik Nailur 2024, hadien ba u ioh ia ka jingpang jong ka jinglang snam ha khlieh lane ka acute subdural hematoma. Ha ka 12tarik Nailur, ki doctor, ki la puid ia ki bynta jong ka khlieh, na ka bynta ban weng noh ia katei ka jingpang lang snam.