![](https://www.urupang.com/wp-content/uploads/2023/12/DSC00682.jpg)
Shillong:Ha ka por shibaje shiteng eiei ha ka step sngi Saitjaiñ ka kudam jong Shree Mahabir Flour Mills kaba don ha Luckier Road Shillong ka la kem ding, bad ha kane ka jingjia pluh ding ka jingduh ka la long palat klur tyngka.
Ki pulit pynlip ding kila poi ha kane ka jaka ha ka por kaba biang ban tem ïa ka ding hynrei na ka daw jong ka jingklang palat, kala shim por bun kynta haduh ban da lah ban tem ïa kane ka jingklang ka ding.
Ka jingjulor kaba khraw eh ka dei ka jingingkhong u kew ba la buh ha katei ka jaka na ka bynta ban tylliat ban pynmih Ata, Moida, Suji, kane ka jingduh ka long kaba la jur bha bad ha kane ka jingjia pluh ding kam shym don kano kano ka jingjia kaba sngewsih.
Na ka liang jong ki pulit pynlip ding ki dang hap ban tem ïa ka ding bad na ka liang jong ki briew ruh ki dang ïarap ban theh um ban pynlip ïa ka ding.
Na ka liang jong ki pulit ki dang pynlong ïa ka jingtohkit ban lap ïa ka daw jong ka jingpluh kane ka kudam kaba la pynjulor shibun ïa katei ka jaka bad la sngewthuh ba kan ktah ruh ïa ka karkhana kaba don ha syndah.
La ïathuh ruh ba kane ka jaka kaba la shah bam duh ha ka ding ka dei ruh ka godown buh ata jong ka kompeni magic cook kaba don ha Garikhana.
Kane ka karkhana ka dei jong u Bajoria bad ka la don ka jingsuba ba ka lah ban dei na ka daw jong ka jingthut ka bording.
Ki bor District kynthup ki Pulit, ki Pulit Fire & Emergency Services, SDRF, shipai, DMHO bad GTC kila ïapoi sha kane ka jaka ban pynthikna ba ka ding kan ym pur sha kiwei pat ki ïing ba marjan bad ban lah pynlip noh kham kloi kat kaba lah.
Phi don ban ong eiei?