Lah ban nym wanphai shuh U Tathagata Roy kum u lat ka jylla

Shillong: Hadien ki mih khubor ba yn wan shimti biang u Tathagata Roy kum u lat ba pura ka jylla Meghalaya ha ka 4 tarik kyllalyngkot 2020, Mynta ka janmiet u lat ka jylla Meghalaya u Tathagata Roy lyngba ka ‘twitter’ u la kam ba u la pynjlan shuh shuh khlem buh por ia ka shuti jong u.

Kumba shu pynkynmaw u President ka ri India u Ram Nath Kovind u la ai shuti ia u Tathagata Roy ha ka 13 tarik nohprah 2019 hadien ba u la pynpaw lyngba ka ‘twitter’ ba ki ba pyrshah ia ka Citizenship Amendment Act 2019 (CAA) ki dei ban leit noh sha North Korea. Ha kane ka juh ka sngi la sakhi ruh ka jing ia klumar hapdeng ki paidbah bad ki pulit ha khmat ing u lat hadien ba ki paidbah ki mut ban tur ha kyrdop ing u lat ka jylla.
Ha ka 16 tarik u lat ka jylla Nagaland u R.N. Ravi u la shimti kum u lat ba shipor ka jylla Meghalaya.
Lah ban kdew ba hadien ka jing slem jong u Tathagata Roy ban ai muhor ia ka MRSSA, bun ki sengbhalang haduh ka liang pyrshah ka sorkar Meghalaya ki la bitar bad dawa ruh na u President ka ri India u Ram Nath Kovind ba dei ban weng mardor ia u lat ka jylla Meghalaya u Tathagata Roy.