Lah ban mih, sa kawei ka kynhun lehnoh ha Garo: ka ANVC-B

Shillong,22K’lyngkot:
Ka ANVC-B ka kynhun lehnoh kaba la pait la pra na ka ANVC mynta ka sngi ha ka jingpyllait khubor ka la maham ia ka sorkar jylla ba ka dei ban shimkhia bha shuwa ba kan pynlong ia ka jingialang ba khadduh bad ka ANVC halor ka jingiasoi ia suk. Ka ANVC-B ka la kynnoh ba ka ANVC ka la pynkhein ia ka jingiasoi hapdeng jong ka bad ka sorkar ha kaba ka la pan jingshai na ka sorkar hato kla ka ANVC ka la nang bteng pynban ia ka jingpynrung dkhot jong ka, ka la lum khajna juborna ki nongkhaii dewiong ha Nonggal bad kiwei pat ki thain ka ri-lum Garo. U Doang shira u Publicity Secratry ka ANVC-B u la kynnoh ruh ba ka ANVC haduh myngta ka dang bteng ia ka jingpan tiar ialeh na kiwei pat ki kynhun lehnoh kum ka GNLA,UALA bad ka ISI.
U shira u la ong ba lada ka sorkar kam shim khia shuwa katei ka jingkhot ia kren ba khadduh khlem pep sa kawei pat ka kynhun lehnoh ha ri-Lum Garo kan mih, u la ong ba ka ANVC-B ka don ia ki sakhi ban pynshisha ba ka ANVC ka la pynkhein ia ki kyndon katkum ki jingiateh bad ka sorkar. Haba phai sha ki jingkynthoh u Myntri Rangbah ka jylla u Dr.Mukul Sangma ba ka jingiasoi la ia soi hapdeng ka sorkar bad ki lehnoh kiba hapoh ka ANVC, u Shira u la ong ba katei ka jingiasoi ka dei kaba la ia soi bad u Chairman ka seng jong u u Rimpu Marak bad u General Secretary u Dilash katba u Jerome pat um don jingsoi eiei.