Lah ban long CEM, U bah Adelbert ha KHADC

Shillong,28 Nailur:
Hadien ba ka HSP DP bad ka UDP kim treh ban shimti ia ka shuki CEM kaba ki la ia khyn niat iwei sha iwei pat, ka jingialang ki lai seng kaba la long ha ka sngi saitjain ki la khynniat kylla sha ka KHNAM kaba don khyn diat tam ki MDC hapoh ka ARPA ban shimti ia katei ka kam.
Ki lad khubor ki la iathuh ba ka KHNAM ka la pynkhreh ban shimti ia ka shuki kaba ki ar seng ki la kyntait, bad la shai ka sngi kan pynlong ia ka jingialang jied CEM jong kaba ha kaba napdeng ki saw ngut ki MDC hano kin bynshet ia katei ka kam. Saw ngut ki MDC ka KHNAM ki long u bah Adelbert Nongrum , u working President, u bah Latiplang Kharkongor, PP Leader uba long ruh u Secretary jong ka ARPA, ubah James Ban Basiawmoit, bad u bah Process T Sawkmie MDC ka Mawlai.
Haba wad jingtip napdeng ki saw ngut iano ka KHNAM kan bynshet ban shimti ia katei ka shuki, u nongthohkhubor u la ioh jingtip ba napdeng ki saw ngut, ka KHNAM ka lah ban aiti ha ubah Adelbert Nongrum, Working President ban shimti ia katei ka shuki, namar ba wat la ka la don ka jingthmu ban aiti ha u bah Latiplang Kharkongor ruh ka KHNAM ka shem jingeh, namar kiba bun ki MDC ka UDP kim sngewtynnad namar ka jingleit ia shim bynta jong u ha ka jingialang u bah Ardent.
Shuh shuh u nongthohkhubor u la wad jingtip ia ka daw ba ka UDP, kam treh ban bat ia katei ka shuki CEM kaba la ka HSPDP ka la bret sha ka, ha kaba la ioh jingtip ba ka daw ka dei ka jingtieng ia ka jingshah woh kjat na ka HSPDP ha ki samoi treikam jong ka ARPA.