Lah ban kot sha ka T.5klur, ka jingjah ka pisa ka Balang Mawkhar

Shillong: Ka Superintendent of Police (SP) Shillong I kong Claudia Lyngwa myn hynnin ka sngi, i lah ong ba ka jing tohkit ka dang iaid shakhmat halor ka jing jah klep ka pisa na ingmane Mawkhar Presbyterian. 
 Haduh mynta ki pulit ba tohkit ia kane ka jing jah klep ka pisa na ingmane Mawkhar kim pat lah ban pyn thikna haduh katno ka kot ka jing jah ka pisa. 
“Haduh mynta ngim pat lah ban batai thikna katno ka pisa ka jah tangba ngi tip ba ka lah kot sha ka 5 klur duna ei ei” lah bynrap i kong Claudia. 
 Ka kong Claudia ka lah ong ba kim pat lap ia ka tynrai jah ka pisa tangba ngi lah ban ong ba kane kadei ka jing leh torti ki nong ‘audit’ ia ki kot ki sla ka ing mane. “Haduh mynta ngi lah ban shu ong ba kane ka jing jah ka pisa haduh 5 klur duna kadei ka ba ki nong  ‘audit’ ki lah shaniah palat ia u chokidar khlem da pule bniah ia ki kot ki sla ka ing mane”.

 Ha ka taiew ba lah dep ka don ka jing saphriang ha ki social media ba ka pisa ba jah na ingmane Makhaw Presbytarian ka lah kot haduh 4 klur 67 lak tyngka.
 Kumba shu pyn kynmaw ki pulit ka Lumdiengjri ki lah kem ia u Alfast Bareh u ba dei u chokidar ka Mawkhar Presbyterian haka 5 tarik Nailar 2019 hadein ba ki rangbah balang ka Mawkhar ki lah ai da ka ejahar pyrshah ia u halor ka jing jah klep ka pisa ka ba kot haduh 3.26 klur.