Lah ban khie eriong bad tied pyrthat, ha ki bynta ka jylla

Shillong: Ka tnat peit mariang jong ka sorkar India, mynhynnin ka sngi, ka pyntip, ba ka lah ban don ka jinghap slap ha ki katto katne jaka, ha ka nongbah Shillong bad ki jaka ba marjan. Ym tang katta, kan don ruh ka jingkhie eriong bad tied pyrthat ha ki katto katne ki bynta jong ka jylla.

Ka nongbah Shillong, te ka don ha ka jingtyrkhong raw, hynnin ka sngi, ha kaba ka jingsngem jong ka khyndew, ka long tang 45 percent ha ka por mynstep bad ha ka por mynmiet, lei ka long tang 25 percent.