Lah ban iakhun MLA u Bah Don Sumer na ka PDF

Shillong, 17 Jymmang:
U MDC ka UDP na Umsning Constitwency, u Bah Donkupar Sumer u la lah ban iakhun elekshon MLA na ka party thymmai ka People Democratic Front (PDF).
U Bah Donkupar u dei u EM ka Khasi Hills Autonamoust District Council (KHADC) hapoh ka jinglong CEM u Bah Pynshngain N Syiem bad u dei uwei na ki MDC ka UDP u bym weng na ka jingkyrshan ia ka PDF watla ka party ka la rai ban weng noh.
U Bah Donkupar u dei u MDC ba nyngkong eh jong ka Umsning Constitwency bad ula jop ha ka elekhon MDC 2013 na ka seng United Democratic Party (UDP) kumta lada u Donkupar un mih noh na ka UDP bad iakhun na ka PDF kan long ka jingtynjuh ba kham eh namar ka UDP ka la don lypa ki briew katba ka PDF ka dei ka seng sain pynthei ba thymmai bad kan kham shitom ha ki jingiakhun.
Ka PDF kaba long ka liang synshar ha KHADC hapoh ka jingialam jong u Bah Pynshangain N Syiem (MLA/MDC Mawsynram) kum u Chief Executive Member la dep ban pynbna ha ki bnai ba la dep kum ka seng sain pyrthei ba thymmai ha ka jylla bad ka la lah ban pynkhih win ia baroh ki MDC jong ka KHADC ban aireng pyrshah ia ki MLA ha ka elehshon 2018, watla ki don ki MLA kiba pynjop ia ki ha ka elekshon MDC ruh hynrei kim salia bad ka daw tynrai jong katei ka dei na ka skim special Central Assistant na ka sorkar kmie haba uwei u MDC un ioh kumba T.3 klur .
Kawei pat ka tyllong khubor ba la ioh lum ka iathuh u Bah PN Syiem MLA/MDC jong ka Mawsynram constitwency shen um shimti kum u President ka PDF ban ialam ia ka kynhun hadien ynda u la iehnoh ia ka kam MLA.