Lah ban don ka jinghap slap kaba jur bha, lashai ka sngi ha ka jylla

Shillong: Ka jinghap slap, hynnin ka sngi ha Shillong, ka long 32.4mm, katba ha Sohra, hynnin ka sngi, ka long 126.4mm bad ha Umiam, ka long 44.8mm.

Mynta ka sngi ka jinghap slap ha Shillong, ka long 2.9mm, ha Sohra, ka long 49.8mm bad ha Umiam, ka long 1.2mm.
Ka tnat peit mariang jong ka sorkar India, ka ai jingmaham, ba kan don ka jinghap slap kaba jur bad kaba jur bha, ha ki bynta jong ka jylla, ha kaba kan don ruh ka jingtied pyrthat bad khie eriong, katba ha Shillong, kan don ka jinghap slap kaba shu biang bad kaba kham jur, ha ryngkat ki shnong kiba don mar syndah.

Ka jinghap slap, kaba jur eh ha kine ki 24 kynta ba ladep, ka dei ha Williamnagar, ha kaba ka poi sha ka 225.0mm, bud ka Ratacherra, da 142.0mm.

Ka tnat peit mariang ka India Meteorological Department (IMD), ka ai jingmaham, ba ka jinghap slap, kan jur bha ha ki bynta jong ka jylla, naduh ka 17 haduh ka 21tarik Jylliew, ha kaba kaba jur bha, kan dei ha ka 18tarik Jylliew 2024.