Lah ban dei shisha, ka jing shah pyniap sha Mawngap

Shillong,4 Jymmang:
Dang ha ki khyndiat sngi u Rupang u la ioh jingtip ba ka la don ka jingshah pyniap jong iwei i khynnah ha ki thain Mawngap bad ka la don ka jingpyrshang ban pyniap ia u kpa ba ialam shim dawai ia ka khun jong u na Mawngap hyn rei u la laitim.
Halor katei ka khu bor u Rupang u la bud dien biang, ha kaba la ioh jingtip ba katei ka jingjia ka dei kaba shisha, ha kaba u wei u rangbah uba ki tyl long khubor, ki la pynthi kna ba u dei na ki thain Mylliem, u la leit ialam shim dawai ia ka khun kynthei jong u kaba dang 2 snem karta, ban leit shim dawai na Mawngap, hynrei la iathuh ba haba u la poi ha Mawngap ka doktor ba ki thmu ban shim dawai kam don kumta ki la wan phai noh da kawei ka kali Sumo, hynrei ha shiteng lynti ki la don sa saw ngut ki briew kiba la pynsangeh kali bad ka kali ka la ieng.
La iathuh ba haba la poi ha wah Umpatiah, (Kreit) shuwa ban poi Mawreng, la ong ba ki briew ba don ha kata ka kali ba ki shong ki la khniot iap ia ka khun jong u bad ka la don ka jingiakhun kaba jur bad uta u kpa uba ksaid na bynta la ka jingim, bad ha kata ka por la don ki briew kiba wan lap, bad ki runar ki la pyllait noh ia u. Ki paidbah kiba ioh sngew ia katei ka jingjia ki la shim ba ka dei ka jingshah pyniap ‘menshohnoh’.
Shuh shuh la iathuh ba hadien ba utei u rangbah u la laitim, la pynkit ia u sha ka jaka sumar bad kham hadien la pynkit sha Civil Hospital, namar ba u la shitom jur, ki lad khubor ki la iathuh ba utei u rangbah mynta u la kham tip briew.