Ladep test naphang ia ki 23,221 ngut ki briew bad na kine, ki 397 ngut ki long positive

Shillong: U Director ka tnad ka koit ka khiah u Dr Aman War, u iathuh ba lyngba ka jingpynlong ia ka jingtest naphang lane ka Random testing ha baroh kawei ka jylla 23,221 ngut ki briew ki ba ladep ban test bad na kine ki 397 ngut ki dei kiba long positive.

Haba iakren bad ki lad pathai khubor u Dr War u la iathuh ba ha East Khasi Hills District, ki don 1,283 ngut ki briew kiba la dep ban test bad na kine 203 ngut ki dei ki ba pang Covid -19. Ha west Khasi Hills District 506 ngut ki dei ba ladep test bad na kine 27 ngut ki ba long positive.

Ha East Jaintia Hills District 1266 bad na kine 3 ngut kiba long positive, ha West Jaintia Hills District 908 kiba la dep test bad baroh ki long negative. Ha RiBhoi District 2150 ngut ki ba ladep ban test bad na kine 23 ngut ki long positive. Ha North Garo Hills District 1028 ngut kiba la dep ban test bad na kine 12 ngut ki long positive, ha East Garo Hills District 593 la dep ban test bad na kine 3 ngut ki long positive, ha West Garo Hills District 3295 ngut ki ba la dep test bad na kine 124 ngut ki ba long positive, ha South Garo Hills 630 ki bala dep test bad baroh ki long negative bad ha South West Garo Hills District 198 kiba la dep test bad baroh ki long negative.