Shillong: U symbud myntri rangbah ka jylla u bah Prestone Tynsong mynta ka sngi, u la iathuh ba ka sorkar Meghalaya kala dep ban pyllait ia u khaw haduh u bnai jylliew 2020.
U bah Prestone Tynsong u la iathuh ba ia u khaw la pyllait na ka skim ‘NFSA’ bad ‘Non-NFSA’ naka bynta ki paidbah kiba hap hapoh ka Antyodaya Anna Yojana (AAY).
U symbud myntri rangbah u iathuh ba ki don kumba 2,90,989 ngut kiba ioh jing iarap khaw haka dor Rs 3 shi kilo naka bynta 35 kg u khaw bad ki don kumba 18,54,156 long ing na kaskim PHH kiba ioh 5 kilo u khaw haka dor 3 tyngka shi kilo.
U la iathuh ba kumba 1,33,861 tylli ki long ing kiba hap hapoh ka ‘Non-NFSA’ kin ioh 7.215 kg u khaw ha dor Rs.12 haduh 14 tyngka shi kilo.
U symbud myntri rangbah ka jylla u bah Prestone Tynsong u la iathuh ruh ba ki paidbah kiba hap hapoh ka skim Pradhan Mantri Garib Kalyan Anna Yojana (PMGKAY) kin ioh ei 5 kg u kjaw lem bad 1 kg u die naduh u bnai iaiong haduh u bnai jylliew 2020 katba ia ki paidbah ki bym hap hapoh ka ‘NFSA’ ka sorkar kala pyllait ia u khaw ban die paidbah haka dor 29 haduh 30 tyngka shi kilo.
Phi don ban ong eiei?