Lada ym dei ka elekshon shiteng samoi, ka NPP kan ym jop, kob U Mukul

Shillong:U nongialam ka TMC u Dr. Mukul M Sangma ula kob ba ka jingjop ka NPP ha ka elekshon shiteng samoi na Gambegre ka dei na ka jingpynbiej ia ki paidbah da kaba pyndonkam bakla ia ka bor ba ka don ha ka sorkar da kaba sam tin, sam kiwei kiwei ki jingai ia u paidbah.

U la ong ba la iatip paidbah ba ka NPP ka la sam bun kiei kiei sha ki paidbah ban pynbiej ban jop ia ka elekshon bad ula ong ba lada kam dei ka elekshon shiteng samoi, ka NPP kan ym jop da lei lei ruh na Gambegre.
Ha ka elekshon shiteng samoi, ka TMC ka wan baar katba ka Congress ka wan balai bad ka NPP ka la knieh ia ka Gambegre kaba bat ka Congress.

“Lada ym dei ka elekshon shiteng samoi, ka NPP kam ym jop, nga pynthikna ia kane”, la ong u Dr. Mukul.