Shillong 07 Lber: Ka Hynniewtrep Integrated Territorial Organisation ha ka 07 tarik u Lber 2025, ka la leit ban ia kynduh ia u Chief Executive Members (CEM) ba thymmai ka District Council, u bah Shemborlang Rynjah bad ai ruh da ka dorkhas ban pynsngew sha u, ban pynkupbor biang ia ki rangbah shnong bad ban pynjanai noh ia ki ain ki kanun bad ban weng noh ia ki jyrwit ki jyrwat baroh.
Ha ka jingiakren bad ki lad pathai khubor na ka liang u president rangbah ka sent u bah Donbok Dkhar u la ba ka dorkhas ba ka seng ka la phah sha u CEM kalong, ba ki don kita ki aiñ ki ba teh mraw ia ki Syiem ki rangbah shnong ruh kumjuh.
Kawei ruh ka mat kaba ka seng ka la pynsngew ha u CEM ka long, halor ka jingpaw kyrteng jong ki bym dei ki trai ri trai muluk (Non Tribal) kaba naduh u snem 2019, ha kaba na ka liang u CEM u la ong, ba kin sa pynbeit bha ia kane bad ban pynwandur ha kaba iadei bad kita ki ain synshar shnong synshar thaw.
Ha kajuh kapor ka seng HITO lyngba ka sohra circle ka la leit ban ia kynduh ia u bah Winston Tony Lyngdoh u ba dei peit ia ka tnat Khaii, ban leit buh da ka jingujor, halor ka jingioh khaïï ki briew ba nabar ha Majai sha Bangladesh khlem da don ia ki trading license.
Ka seng ka la pynpaw ruh, ba ka la lap bun ki kali jong ki bar jylla jylla, ha kaba bun na ki, kiba shalan mar na Majai sha Bangladesh kim don ia ka trading license.
Ha ka jingiakynduh bad u EM na ka liang ka seng ka kyrmen bad khmieh lynti, ba ka Council kan leh ia kaba donkam ba kan ym dei ban ai Trading license sha ki bar jylla namar lada ai trading license ia ki bar jylla ki Khasi ki ba lah ban trei ia kato kakam ha Majai kin sa duh noh ban kamai.
Kumta ka seng ka ong, ba lada u Khasi u lah ban trei ia ka kam ymdei ban ai trading license ia ki bar jylla.
Phi don ban ong eiei?