Shillong:U Bah THS Boney (IFS) ba la shongthait noh, uba dei ruh U Working President ka KHNAM bad u ban iakhun ia ka elekshon MP 2019, na ka seng KHNAM, ula leit ban iakynduh ia U Director Distribution bad ia u Chief Engineer jong ka MeECL, halor ka jingduh ding electric ha ka dong Mawtap, Sohiong bad kiwei kiwei ruh ki jaka ha nongkyndong kiba la shong dum la palat shitaiew mynta na ka daw jong jingpynjulor jong ka mariang ia ki transformer.
U bah THS Bonney u la ong ba ki paidbah ki la shong dum bad ka jingioh jing tip ba kan shimpor haduh 2 bnai tam ban ioh transformer thymmai bad halor katei ka phang, ka la pynlong ba un ia kynduh ia ki nongpyniaid jong ka MeECL.
U bah Boney, u la buh ruh ka jingkylli ba lada duh ka ding electric lane sniew u transformer ha sor khamtam ha iing jong u Myntri Rangbah ka jylla, iing u Governor ka Jylla lane iing jong ki Ophisar heh ka jylla hato kan shimpor haduh 2 bnai ban ioh transformer ba thymmai? Ha kane ka jingiakren na ka liang jong u Director ka Distribution bad na ka liang jong u Chief Engineer bah KN War ki la kular ban pynioh noh da u transformer ba thymmai hapoh kane ka taiew. Ka KHNAM ka khmih lynti ba ka jingkular jong kine ki long heh long hain ka MeECL kan urlong khnang ban lah ban weng ia ka jingeh jong ki nongkyndong.