Shillong: U Working President ka UDP u bah Paul Lyngdoh u la ong ba lada ka sorkar pdeng ka pyntreikam ia ka National Register of Citizen (NRC), ia ka jylla Meghalaya ka snem ot kyrteng ka dei ban long ha u snem 1972.
Lah ban kdew ba ka sorkar pdeng ka la pynbna ba kan pyntreikam ia ka NRC ha baroh kawei ka ri na ka bynta ban beh shnong ia kiba shu wan buhai beain.
Haba kren mynta ka sngi, u bah Paul u la ong ba ia ka NRC la dep pynbna ka sorkar pdeng ban pyntreikam ha baroh kawei ka ri badha kane ka jyllla, ka dei ban wan ryngkat bad ka Ordinace ka MRSSA ban iada kham bha ia ki trai shnong.
“Ka la donkam ia ka ain kaba khlain ban tehlakam ia ka jingeh na ka jingwan buhai shnong ki briew. Lada treikam ka NRC ka snem ot kyrteng kan dei jong u snem 1972 namar ba ka Meghalaya ka ioh ia ka jylla ha utei u snem”, la ong u bah Paul uba long ruh u nongialam barim ka KSU.
Halor ka jingpyrshah ka Congress ia ka NRC, u bah Paul u la ong, “ka jingpyrshah ka Congress ka dei ka rukom pyrkhat jongki namar ba ka NRC kam dei shuh kaba dang thymmai hynrei la wanrah naduh u snem 1951 haba ka Meghalaya ka dang don ha ka Assam hynrei haba sdang thymmai, ka donkam ban don ka snem ot kyrteng kaban pynshisha katkum ki kot ki sla bad ka snem 1972 ka dei kaba biang namar ba ka jylla Meghalaya ka la ioh ia ka jylla ha utei u snem”,.
Phi don ban ong eiei?