New Delhi: Ka kynhun myntri jong ka sorkar India, mynta ka sngi, ka la rai ban pynmih da ka hukum jong U President, ban khanglad ia ka jingshim kabu bad kiba pynjot pyn julor, ia kito kiba trei ia ka kam sumar nongpang. Katei ka hukum, kan pyn kylla ia ka ain, kaba la don lypa jong ka Epidemic Diseases Act, 1897.
Ha katei ka ain, ka jingtohkit ia kito kiba pynthut ia ka jing trei kam jong ki nos, ki doktor kan long 30 sngi bad ka jing dain kuna kan long T.2lak bad lada lap ba ka jing ialeh pyrshah ka logn kaba eh, kumta kin shah set phatok hynniew snem bad siew ia ka kuna kaba T.5 lak.
Na ka liang ka Indian Medical Association, ka pynpaw ia ka jingsngewnguh jongka, halor katei ka rai jong ka sorkar India, na ka bynta ban iada ia ki doktor bad kiwei de kiba sumar ia ki nongpang.
Phi don ban ong eiei?