Lada pynlong biang ia ka jingpynbna paidbah na ka liang jong ngi ngin ujor sha ka NGT: KSU

Shillong: Ka Khasi Student Union Narpuh Circle ka la ong ba la da ka jing pynbna paidbah (Public hearing) kan long ha ka 30 tarik u kyllalyngkot 2020 na ka liang ka KSU Narpuh Circle kin sa ujor sha ka tnad National Green Tribunal (NGT) pyrshah ia ka jingthmu jong ka Kompany Star Cement ban ioh ban tih ia u mawshun ha ka jaka ka ba 42.051 haktar ha ka shnong Brishynot East Jaintia Hills.

Ka KSU Narpuh Circle ki la wan buh ia ka dorkhah ha u Secretary ka State Pollution Board u bah JH Nengnong ban pynpaw ka jing pyrshah halor ka jing thmu jong ka State Pollution Board ban pynlong biang ia ka jingpynbna paidbah ha ka 30 tarik u kyllalyngkot 2020 ban ailad ia ka Company Star Cement ban ioh tih ia u mawshun ha ka shnong Brishynot East Jaintia Hills.

Haba iakren bad ki lad pathai khubor na ka liang u president ka KSU Narpuh Circle u bah K.S Suchiang u la iathuh ba ka jingailad biang jong ka State Pollution Board ban pynlong ia ka jingpynbna paidbah ha lor ban shah ia ka Star Cement ban khlong ia u mawshun ka pynpaw ba kadon kaei kaei ha lyndet.

U la ong ruh ba ka KSU ha ryngkat ki wei ki sengbhalang bad ki 6 shnong Association ki la pynpaw ia ka jing pyrshah jur ia ka jingpynbna paidbah ka ba la long ha ka ha ka 19 tarik u Risaw 2019 wat la ki la iohi ia ka jingpyrshah jong u paidbah nongshong shong katei ka thain hynrei tang mynta hapdeng 3 bnai ki la thmu ban pynlong biang ia ka jingpynbna paidbah kumta na ka liang kaseng kin pyrshah jur ia kane jingthmu ka State Pollution Board.

Ki KSU Narpuh Circle ha ryngkat ka jingpyrshah kin ai lad ban pynlong ia ka KSU namar ba ka jingpynbna paidbah ka dei kawei ka lad kaba ki paidbah ki lah ban pynsngew ia ki paidbah hynrei na ka liang ka KSU ha ryngkat ka jingpyrshah kin ia leh ban pynsngewthuh ia ka jingpaidbah ia ka jingsniew ka ban mih na ka ne ka jingtih ia u Mawshuh.

Na ka liang u secretary ka State Pollution Board u bah JH Nengnong, u la iathuh ba un hap ban pynlong ia ka jingpynbna paidbah namar ka jingpynbna paidbah ka long kawei ka lad ban pynsngew ia ka jingsngew jong ki paidbah bad ban sngap ia ka rai jong u paidbah.