Shillong:U MP ka Rajya Sabha na Meghalaya, u Dr. Wanwei Roy Kharlukhi u la ong ba lada lap ba u pyntreikam hi ia ka MP skhim, un risain noh mardor na ka kam MP hi.
U Dr. Wanwei u la ujor ejahar ia kawei ka YouTube shimet kaba kynnoh bamsap ia u.
Haba kren mynta ka sngi, ula ong ba u la iaid 40 snem ha ka sain pyrthei, u la pyrshang ban im beit ban iaid beit, bad lada don ka jingkynnoh ba u bam pisa, un thoh hi ma u sha ka CBI ban wan tohkit bad lada ka lap bym dei, kiba kynnoh kin hap siew bai mynrain khmat.
“Nga la pyrshang ban im beit ban iaid beit, bad lada don ka jingkynnoh ia nga, ba nga bam pisa, ngan thoh hi ma nga sha ka CBI ban wan tohkit bad lada ka lap bym dei, ngan dawa bai mynrain khmat na uta uba kynnoh ia nga”, la ong u Dr. Wanwei.
U la ong ba ia ka MP skhim jong u, la pyllait lut 2022-23 lait noh tang ki bym pat phah ia ki utilisation certificate (UC), bad ka jingpyntreikam ia ka MP skhim ka long ba u la ai beit ha ki skul, ki shnong, ki hospital bad kum u MP u shu phah sha u DC, katba ka jingpyntreikam, la leh hi kiba ioh ia ka skhim.
Hynrei ha u snem 2023-24, la don ka jingpynkylla ia ka rukom pyniaid ia ka skhim, ha jaka ban phah sha ki tnad sorkar pdeng, la phah beit sak na Parliament sha baroh ki DC ter ter sha ki BDO.
Ula ong ba lada dei shisha ba ki lap ba u bamsap, ka kular kaba shai ka long ba un risain noh na ka kam MP bad u kloi ban leit shong sha phatok.
kumno dukhi me ong ba ka channel YouTube ka kynnoh bam sap ia me, ngam ioh sngew shi kyntien ruh ba u kynnoh bam sap ia me, hynrei u pyni kat kum ka jing shisha lyngba ka website jong ka sorkar hi, login hi ka website sa peit hi me ban tip bha, ai fir ia kato ka website ym dei iaka channel. dei na kum kine ki daw ba sa isih npp lut baroh, nga tharai ym don ba iaroh ia me tang kiba beiñ suda.