Lada kwah ialeh Scheduled Tribe sertiphiket rDonkam EPIC, Ration, Bill MeECL, Bill Phone

Shillong, 11 Jylliew:
Ha ka shi sngi, ym duna ia ka 50 ne 100 ngut eiei ki nongialeh ne aplai ia ka Syrnod Scheduled Tribe (ST) na ophis jong u Deputy Commissioner ka East Khasi Hills Shillong.             
Katkum ka jingtip ba la ioh, la iathuh ba kine ki nongialeh syrnod ki la wan man ka sngi na kane ka ophis khamtam ki khynnah skul, ki nong ialeh ia kiwei ki kam ruh. Hadien ba la hukum ka Kashari Meghalaya High Court bym pdiang ia ka NOC na u Rangbah shnong, ka ophis ka la pdiang ia ki syrnod kum ka syrnod sngikha, EPIC ki kmie kpa ia ki khynnah skul, ne ka ration card, ka bil ding MeCEL, ka bil phun.
Ka jylla Meghalaya ka dei ka jylla ba Scheduled Tribe namar ba ki nongshong shnong ha kane ka jylla kiba bun ki dei ki Scheduled Tribe kynthup ki Khasi, Jaintia, Garo.
Katkum ka jingtip ba la ioh na ka ophis, kam pdiang shuh ia ki NOC na ki rangbah shnong lada donkam kano kano hynrei ki shim ne pdiang beit tang ia ki jingthoh kiba iadei na ka sorkar.
  Ka Syrnod ST ka long kaba donkam namar ha ki tnad sorkar kiba iadei ha ka bhah kam bhah jam, ka bai bam, bad kiwei ki jingai ba kyrpang ka sorkar pdeng.
Ka jingbun ki nongialeh ST ka dei namar ba mynta bun ki khynnah skul, naduh kiba dang pule ia ki klas barit ruh ki hap ban ioh syrnod ST haba ki ialeh baibam.