Shillong: U symbud myntri rangbah u bah Prestone Tynsong, u la ong ba lada kiba sah shabar ka jylla kham tam ha kito ki ba don ha ki jaka ki ba hap ha ki Redzone, ki wan phai mynta kan long ka jingma ka ba khraw ia ka jylla baroh kawei khamtam kiba bun ki ban wan phai ki dei ki ba sah ha ki Redzone area.
Na ka liang u bah Prestone, u la iathuh ba haduh mynta ki briew ki ba sah sha bar ki don haduh 8000 tam kiba la dep register bad ka sorkar, u la ong ruh ba kan ym long ka ba suk na ka bynta ka sorkar jylla lane ki dorbar shnong ba kin pdiang ia baroh 8000 ngut.
Kumta na ka liang u bah Prestone u la buh ia ka jingkyrpad ia ki briew jong ka jylla kiba sah shabar ba lada ka long kaba lah, ia mynta hi ba kin sah shuwa ha ki jaka ki ba ki don, namar ba ka lah ban long ba lada ki wan kane ka jingpang ka lah ban kem ia ki ha kano kano ka jaka ka ba lah ban buh jingma ia ka jylla baroh ka wei. U la ong ruh ba tang ki bym banse shuh, ki lah ban wan phai sha ka jylla ynda ka sorkar pdeng ka la shah ban iaid ki rel lane ki lieng suin.
Naka liang jong nga,Nga kwah ban ong ia u myntri Rangbah jong ka Jylla Meghalaya..Ka dei ban pyn sa ngeh shwa ia kito kiba kwah ban wan phai na,sha thain ba don Redzone.