Shillong 28 K’lyngkot: U kyrtong shimet na 6-Sohryngkham konstitwensi u bah Kris kharsati mynta ka sngi baar ka 28 tarik ula leit ban thep kyrteng ialade ha DC ophis, Shillong nakabynta ban ia aireng ha kane ka ilekshon MDC ha District Council.
Ha ka jingiakren bad ki lad pathai khubor u bah Kris ula ong, ba ka mad ba hakhmat eh jongu kalong ban pynbeit ia ka rukom thungkam thungjam ha District Council namar kumba kalong hi mynta kam long ka ba shai.
U bah Kris ula ong, ba la jingmih biang jong u ban iakhun ia kane ka ilekshon MDC kadei namar ba u kwah ban trei nakabynta ki paidbah ka konstitwensi baroh kawei bad ruh ki paidbah ki kwah ia u ban ia aireng biang ha kane ka kynti ba mynta. Nga la shah rem ha ka sien ba nyngkong, hynrei nga iohi ba ki paidbah ki kyrshan bha bad mynta lada ki paidbah kin pynjop nga kwah ban trei hok nakabynta ki paidbah, la ong u bah Kris.
Shuh shuh ula ong, ba watla ha Sohryngkham lah don lypa u MLA na ka party VPP, hynrei ka jingiakhun ka don beit bad ngim lah ban ong, ba unjop beit uta.
Ki paidbah ha Sohryngkham konstitwensi ki ieit bha ia u prah bad ki peit khmat bha, hynrei ngi iohi pat ba ki paidbah ki don ka jingstad namar ka ilekshon MLA bad ka MDC ka iapher, nangta u paidbah ruh na kawei kapor sha kawei pat udon ka jingkylla ban jied ia ki nongmihkhmat namar teng teng kam dei than ka party hynrei ka shong ha u briew ba ki paidbah kin jied.
Phi don ban ong eiei?