U myntri ka sorkar India, U Giriraj Singh, ula bthah ia ki paidbah ha ka Constituency jongu, ha Begusarai, ba kin shu sympat da u dieng, lada jia ba ki nongtrei ha ki ophis sorkar, kim sngap ia ki jingud jongki, ha ki jingdonkam bapher bapher.
Ha ka jingialang paidbah ha Begusarai jong ka jylla Bihar, hynnin ka sngi, U Giriraj Singh, u ong ia ki paidbah “Shoh beit da u dieng” lada don ki nongtrei sorkar, ki bym salia ia la ki kam.
U Giriraj, u ong ba ula ju ioh ia shibun bah ki jing ujor, na ki riew paidbah, ba ki nongtrei sorkar, kim sngap satia ia ki jingeh ba ki leit iakren.
“Nga ong ia ki paidbah, balei phi wan shanga, na bynta ki kam kiba rit ba ria. Ki MP, ki MLA, ki bor shnong, ki District Magistrate, ki Sub Divisional Magistrate, ki BDO, ki dei ban shakri hok ia ki paidbah. Lada jia ba kim sngap, shim da u dieng bad sympat ia ki na khlieh” ong U Giriraj, ha kaba ka la mih ka jing ia rkhie shaid jong ki paidbah.
“Lada katei kam trei kam, U Giriraj, un don lang ban kyrshan ia phi” ong U Giriraj, ha kaba ka la don ka jing ia rkhie shaid, kaba nang jur ha katei ka por.
Nga sngew iahap namar ha meghalaya la leh Mon palat ki shakri sorkar