Lada khlad ki para bangeit na ka jingpang corona, ai jaka tep, ong ka Balang Presbyterian

Shillong: Ka Khasi Jaintia Presbyterian Assembly kaba long ka bor ba ha khlieh ka Balang Presbyterian ha Ri Khasi bad Jaintia ka pynbna ba ha ba don kano kano ka jingkhlad ki parabangeit na ka jingpang corona virus ki Balang Presbyterian ki lah ban ai jaka tep ha ki lum jingtep jong ki namar katkum ka jingiathuh ki Doctor bad kiwei ki bor, kam don kano kano ka jingma ban tep ia kiba kum kine ha ki lum jingtep ki Balang.

Ka Khasi Jaintia Presbyterian Assembly ka kyrpad ia baroh ki Balang hapoh jong ka ban bud ryntih ia kane ka jingai jingmut kaba la pynmih khnang namar ka jinglong jingman kaba don sawdong bad ban pyllait ia ki parabangeit na kano kano ka jingeh kane ka long Kat kum ka kyrwoh jong u Rev P Hynniewta senior administrative secretary ka Khasi Jaintia Presbyterian Assembly.