Lada khang noh ia ka jingshalan dewiong Yn duh tulop ki nongtrei District Council

Shillong, 22 Iaiong:
Lada jia ba un khang u dewiong,kumta ki ar tylli ki District Council jong ka Khasi bad ka Jaintia District Council, kin lah ban shah khang khyrdep noh.
Kitei ki ar tylli ki District

Council, ki ioh ia ka bhah, kaba 25 percent na ka khajna, kaba die ia u dewiong, ha kaba ka sorkar Jylla, ka shim ialade 75 percent.
“Lada jia ba khang ia ka jingshalan dewiong, kumta ki nongtrei District Council, kin hap ia trei khlem tulop”ong uwei U MDC jong ka ka Jaintia District Council.
“Tang ka tulop jong ki nongtrei ka Jaintia District Council,ka long T.3klur shibnai shi bnai bad ka sorkar ka ju pyllait ia katei ka tulop, na ka bhah jong ka Council, na ka khajna dewiong bad kiwei de ki khajna, ba ka dei ban ioh na ka sorkar Jylla” ula ong shuh shuh.
Ka jingioh khajna jong ka sorkar jylla, na u dewiong ha ka shisnem shisnem, la antad, ba ka kot sha ka T.700klur antad bad katei ka dei ka pisa, kaba la pyniaid ha kaba siew tulop sha ki nongtrei sorkar jong ki tnat sorkar Jylla, nangta ha kaba siew ruh ia ka khajna jong ki District Council bad kiwei kiwei de.