NEW DELHI: Ka sorkar Delhi, kan siew T.50 hajar sha kawei ka long iing jong uwei ne kawei kiba iap, na ka khlam corona, nangta kan siew ruh T.2,500 shi bnai, lada jia ba u ne kaba iap, ki dei ki nong kamai ha iing, ong U Arvind Kejriwal, myntri rangbah ka Delhi mynta ka sngi.
La ong shuh da U Kejriwal, ba kito ki khun, kiba la duh noh ia la ki kmie ki kpa, lane tang ia ka kmie ne u kpa, na ka daw jong kane ka jingpang khlam, kin ioh T.2,500 shibnai, haduh ba kin da dap 25 snem kynthih bad ka sorkar, kan peit hi ma ka, ia ka jingpule jongki ruh.
La iathuh shuh shuh, ba ki 72lak ki nongbam khaw reshon, ha ka nongbah Delhi, kin ioh ei shiphew kilo u khaw shi khlieh, na ka bynta shi bnai bad kito kiba khlem don reshon kad ruh, kin ioh lem ia utei u khaw, uba kim donkam ban siew pisa.
Phi don ban ong eiei?