Lada iai neh bad ka Congress, ka lawei u paidbah, ha ka umdum

Shillong,7 Rymphang:
U nongialam ka Congress na Umroi konstitwensi u bah Lumkamai Nongrum u la mih noh na ka seng Congress ban kyrshan ia u bah MD syiem u kyrtong shimet na katei ka konstitwensi na Umroi. U bah nongrum u dei u nongkyrshan ba radbah ka congress uba la pynjop ruh ia u bah Ngaitlang Dhar ha kane ka elekshon MLA ba la dep. U la ong ba u la iehnoh ia ki jingmyntoi shimet bad u la iehnoh ia katei ka seng Congress ban kyrshan ia u bah Syiem ha kane ka kynti ba mynta. ‘Khlem da pyrkhat ia ki jingmyntoi shimet nga la mih noh , nga la iohi ba ka lawei jong u paidbah ka don ha ka umdum lada iaineh bad ka seng Congress’ ong u Bah Nongrum.
U Bah MD Syiem, u la pdiang da ka jingsngewbha ia u Bah Lumkamai bad u la pynpaw ia ka jing sngewnguh ia u namar ba u la wan khlem da buh kano kano ka kyndon bad ka mynsiem ba shynrang jong u, ban wan sha khmat kum ha kane ka kynti khnang ban pyneh ia ka rngiew jong ka Umroi Constituency.