Shillong: Mynta ka sngi, u Symbud Myntri Rangbah ka jylla, U Bah Prestone Tynsong, u iathuh ha ki lad pathai khubor, ba ka sorkar Jylla, ka la shim rai ban pynlong biang ia ka pakhang shnong, naduh ka shiteng synñia jong ka sngi u Blei kata 26 tarik u Naitung 2020 haduh ka shiteng synñia jing ka 30 tarik u Naitung 2020, khnang ba ki nongtrei jong ka koit ka khiah kin leh ia kaba donkam ban leh ia ka contact tracing.
Hynrei ia kane ka ‘Lockdown’ la iathuh ba ka shong ha ka jinglong jingman jong ka jingdon une u khniang jingpang ba lada kane ka jingpang COVID-19 ka dang kiew, ka sorkar kan nym pat pynkut ia ka pakhang shnong.
U Bah Prestone u la iathuh shuh shuh ba yn ym shah iano iano ruh ban mih shabar bad yn khang lut ia baroh ki jingtrei, ki dukan bad yn shah tang ia kito kiba donkam palat.
La iathuh ruh ba ia kane ka Lockdown, la aiti ha ka jingpyniaid jong ka Deputy Commisioner jong ka East Khasi Hills District.
U Bah Prestone Tynsong, u la kyrpad ia ki paidbah ba kin trei ryngkat bad ka sorkar khnang ba yn ym ailad ia une u khniang jingpang ban nang kiew. La kyrpad ruh ia baroh kito ki iakynduh ia kiba ioh une u khniang jingpang ba kin wan shakhmat, ban pyntip ba ki la iakynduh ia kiba ioh pang, khnang ban ioh ban leh ia kaba donkam bad lada ki don kano kano ka contact bad kiba iohpang kin phone ha u 108 khnang ba ka bor sorkar kan ai ka jingiarap kaba donkam.
Ko bah Prestone haba ia ki kyrteng jong ki nongpang covid-19 phim iathuh kumno ngin tip lada ngi ia kynduh ia kum kita ruh.
Kumno yn tip Lada iakynduh ruh haba ngim tip dei mano kita ba ioh covid