Lada ha u 2013, ki la tip ia ka channel, mynta lei ki la suk bha

Shillong,18 Jymmang:
“Ngi lah tip mangi, phim dei ban tuklar eiei” pynkynmaw U bah Stanlywiss Rymbai MLA barim jong ka seng Congress, uba la shah pynduh tiket ia ki kyntien jong U bah DD Lapang, President ka Meghalaya Pradesh Congress Committee (I), haba ki nongialam jong ka Block Congress na Umroi, ki leit ia kynduh, ban iakren halor ka tiket MLA na katei ka Constituency ha shwa ka elekshon 2013.
U Bah Stanlywiss, haba iakren bad U Rupang, mynta ka janmiet, ula pynkynmaw ba na ka liang jong ka Block Congress na Umroi, ka kyrshan tylli mlon ia u, ha ka sien ba ladep, hynrei ka kam ka sdang kyllain, mar ia poi ha District, ha ka por ba U Bah PW Muktieh, u long U President.
Haba la kylli pat, la kumno u sngew, haba U Ma Sniawbha, ula pynkynmaw ia ka jingioh tiket jong u hynmen jongu na ka seng Congress, ha ka sien ba ladep, U Bah Stand, ula ong “Yn ong shuh kumno, ka shong ha ka Congress ban bishar” bad u ong biang “Ka tip ia ka channel kumno ban ioh”.
Nangta u iathuh biang ba ialade lei u leit kanbas beit ha ka kyrteng jong ka seng Congress, ha kaba 15 sngi ha shwa ban thep kyrteng, u dang kanbas hi ha ka shap jong ka kti. “Ki bun ki riew tymmen kiba iam, ba nga rem” ula ong biang “Haba nga kylli, haei ki thep vote, ki ong ha ka kti”. U Bah Rymbai, ula ong shuh shuh “Lada ha u snem 2013, ki la tip ia ka chanel, mynta lei ki lah suk bha”.