Lada ha Assam ka petrol bad diesel ka kham tad, ha Meghalaya ka dei ban kham tad arshah

Shillong: U Bah Renikton L Tongkhar u ba dei u nongialam jong ka seng HSPDP bad uba dei ruh myntri jong ka Sorkar Meghalaya Democratic Alliance(MDA) u la ong na ka liang ka Sorkar ka la shim khia ia kane ka jingiakhih jong kine nongniah kali kamai bad u la kyntu ia ki khynhun jong ki nongniah kali kamai baroh ba kin sangeh noh iakane ka jingiakhih kaba la ktah shitkadei eh ia u paidbah jong kane ka jylla .

Haba kren sha ki lad pathai khubor u la ong,”Ka Sorkar jylla ka shim khia ha kaba iadei bad kane ka pynhiardor ia ka petrol ba diesel ha ka jylla bad nga kyrpad ia baroh ki nongiakhih jong ki kali kamai ba kin pynsangeh noh ia kane ka jingiakhih namar kane ka jingkiewdor jong ka petrol bad ka diesel kam dei tang ha ka jylla Meghalaya hynrei ka kiewdor lut ha kylleng ka Ri India bad nga tharai lada ngi ianujor bad kiwei ki jylla ka dang kham tad ka petrol bad diesel ha ka jylla Meghalaya. Lada ha jylla Assam ka petrol bad diesel ka kham tad ban ha ka Jylla Meghalaya te kumta na ka liang ki paidbah ki don ka hok ba kin dawa ban pynhiardor shuh shuh”.