“Lada donkam ngan pynshai ha ki paidbah”

Shillong, 31 Nailar:
Da kaba sngew bitar ia ka jingleh ka UDP kaba dawa hiar shuki, u CEM ka KHADC u Bah Ardent Miller Basaiawmoit u la ong ba um tieng eiei ban khot syndon da ka jingpyn shai paidbah halor ka jingkynnoh ka UDP lada ki paidbah ki donkam ban leh kumta.
‘Ngan pynshai baroh ki jingkynnoh ka UDP pyrshah ia nga hakhmat ki paidbah lada donkam. Nga kwah ba ki paidbah kin bishar la nga bakla ne em”, la ong u Bah Ardent.
U la ong ba u sngew sih jur ba ka UDP ka la shim kabu na ka jinglong jingman tang namar ba u sngap.
‘Ngam ju khmih lynti ba kin bteng ban kren kynnoh ia nga ha kane ka rukom. Hynrei nga snegw kmen ban iohi ba ki paidbah ki kyrshan hapdeng ki jingeh ba nga iakynduh”, la ong u bah Ardent.
U CEM ka KHADC u la ong ba un shim ia ka rai ba khadduh ban khot syndon da ka jingialang paidbah bad yn sa ap ia ka rai hadien ba la mih na ka jingialang jong ka ARPA ban long ha ka 2 tarik Nailur.