Shillong: U Additional Deputy Commissioner, East Jaintia Hills, u khot ia ki riew paidbah, ba lada don mano mano ba tip halor ka jingshah shoh jong ka kong Agnes Kharshiing bad ka Anita Sangma, ha kaba la shoh da ki riew runar, ha ka 8tarik Naiwieng 2018 bad lada ki kwah ban ai sakhi halor katei ka jingjia, ki lah ban ai jingtip sha U Additional Deputy Commissioner, East Jaintia Hills District, Khliehriat ha shwa ka 16tarik Naiwieng 2018, ha ki por long trei ophis.
Ka kong Agnes, ka la lait na ka jingma, ong ka NEIGHRIMS
Ka khubor na NEIGHRIMS, ka iathuh ba ka kong Agnes Kharshiing, ka la sngewthuh briew bha, naduh ka 13tarik Naiwieng 2018. La law noh ia ka lyer ring bad pynher mynsiem bad mynta ka sngi, ka la lah ban ring mynsiem dalade hi bad ka la lait na ka jingma, ong ka khubor na katei ka hospital.